Es tut mir leid, mein Schatz. Ich entschuldige mich.

by Diemo

Schatz es duet mer so leid für wini mi gester benoh ha. I ha mi nomou für mi unpassend und unnötig Joke wöue entschuldige und derfür wini mi verhaute ha nachdäm de heicho bisch.

I verspriche i wirde nie wieder i sore Situation e "Witz" mache und i wott dir di Freirum lah bzgl. wenn du wie wo bisch.

I has würk nid us controlling reasons gmacht bitte gloub mir, aber i gseh dses totau so überecho isch und i wett nid ds di so füusch.

Du bisch di wichtigsti Person i mim läbe und i liebe di über aues und natürlech machi mir Sorge um di und wott dses der zu jedem Zitpunkt guet geit, aber i muess o druf vertroue ds aues guet isch solang i nüt angers vo dir ghöre.

I hoffe du versteisch mini Sicht bzgl. dsde mi evtl. ab und zue proaktiv chönntsch update zb. ob de zum Znacht chunnsch oder wi spät dses geit usw. damit i di nid mit nachfrage due närve abr i gibe mer müei bi so sache wi gester früecher kontakt ufznäh u nid ersch wenns scho eskaliert isch bi mir.

Aber wi gseit absolut mi Fähler und mis Verhaute wo scheisse isch gsi u söu o ke Usred si, eifach dsde weisch dsis eigentlech guet gmeint hätt, o wes iz für di verständlecher wis nid so usgseht.

Es duet mer leid für mis verhaute und wini di behandlet ha u i wott ire emotionau gladnige situation versueche mi zruggzhaute und mer es bispiu näh ah dir unds eifach la ruhe und nid no nachebore. I wett so stritigkeite aube am liebste gd ufdr steu kläre aber i gseh ds ds meistens nid müglech isch und mer gschider chli abstang brüchte.

I wott dir di zit gäh u hoffe du chaschmer verzeihe. bis denn lahnidi uf jede fau in rueu und i warte druf ds du zu mir chunsch wenn wieder mit mir wetsch rede oder so. i hätt no news bzgl. em weekend aber i verstah we ds iz gd nid i dire prio isch. aber i wott dr o zeige ds ds nid nur läri wort si u dsis ärnscht meine u ha darum o was chlises u evtl. was grössers für di.

Nomou im really sorry madame schnuggi,

Your mister bubu <3